Адрас: 213826, Магілёўская вобл., г. Бабруйск, вул. Сацыялістычная, 56/40
Тэлефон: +375 225 721400, +375 225 721035
Афіцыйны сайт: bobrkrai.museum.by
Электронны адрас: bobrkrai@tut.by



Музей заснаваны ў 1924 г. 3 1.10.1996 г. размешчаны ў будынку 1910 г. Экспазіцыя музея знаёміць наведвальнікаў з прыродай, этнаграфіяй, гісторыяй, культурай і сучаснасцю Бабруйшчыны. У 10-ці экспазіцыйных залах прадстаўлены прадметы археалогіі, дакументы па гісторыі Бабруйскай крэпасці, матэрыялы пра дзейнасць дзекабрыстаў, В. Дуніна-Марцінкевіча, пра партызанскі і падпольны рух у краі ў гады грамадзянскай і Вялікай Айчыннай войнаў і інш. У складзе музейнага збору - 16261 прадмет асноўнага фонду. Найбольш цікавыя - клады манет ВКЛ, манеты рускія XVI ст., манеты дынастыі Эльдзігізідаў, рымская манета II ст. н.э.; генеральскі і афіцэрскі мундзіры, грэнадзёркі перыяду 1812 г., ударна-крэмневыя пісталеты і крэмневыя ружжы, узнагароды і памятныя медалі. Значныя праекты: краязнаўчыя канферэнцыі "Бабруйшчына ў мінулым", праца па стварэнні музейнага гісторыка-культурнага комплексу "Бабруйская крэпасць", вясельны абрад "На век доўгі - на быт добры", народны тэатр ' Батлейка запрашае", гульня-квест "Таямніцы старога горада", майстар-клас па гісторыі беларускай лялькі. 3 2010 г. музей прымае ўдзел у еўрапейскай акцыі "Ноч музеяў". Сярод выставачных праектаў вылучаюцца наступныя: "Старонкі гісторыі Бабруйскай крэпасці" "Нашчадкі А. С. Пушкіна на Бабруйшчыне', "Бабруйск - сталіца фестывалю". Распрацаваны культурна-адука-цыйныя праграмы:' Бабруйская крэпасць", "Мужны сын Беларусі - горад слаўных бацькоў", "Ад сэрца да сэрца". На IV рэспубліканскім турыстычным конкурсе "Пазнай Беларусь" музей быў узнагароджаны дыпломам Міністэрства спорту і турызму ў намінацыі "Музей. Незабываемые впечатления в памяти".

Першы нацыянальны форум "Музеі Беларусі". Каталог музеяў. Міністэрства культуры Рэспублікі Беларусь, 2012.

Афiша мерапрыемстваў


Каляндар мерапрыемстваў


« Верасень 2017 »
ПндАўтСерЧцвПятСубНядз
123
45678910
11121314151617
18192021222324
252627282930